Kapitel 8: Vaivasvatasabhāvarṇanam Die Beschreibung von Yamas Halle

nārada uvāca kathayiṣye sabhāṃ divyāṃ yudhiṣṭhira nibodha tām vaivasvatasya yām arthe viśvakarmā cakāra ha

Nārada sprach: Ich will die göttliche Halle beschreiben, Yudhiṣṭhira, vernimm sie, die des Vaivasvata, um derentwillen Viśvakarman sie erschuf.

taijasī sā sabhā rājan babhūva śatayojanā vistārāyāmasaṃpannā bhūyasī cāpi pāṇḍava

Jene Halle, o König, war aus Glanz bestehend, hundert Yojanas in Breite und Länge vollendet, und sogar noch größer, Pāṇḍava.

arkaprakāśā bhrājiṣṇuḥ sarvataḥ kāmacāriṇī naivātiśītā nātyuṣṇā manasaś ca praharṣiṇī

sonnengleich leuchtend, glänzend, nach allen Seiten nach Belieben beweglich, weder zu kalt noch zu heiß, und dem Gemüt Freude bereitend.

na śoko na jarā tasyāṃ kṣutpipāse na cāpriyam na ca dainyaṃ klamo vāpi pratikūlaṃ na cāpy uta

Kein Kummer, kein Alter ist in ihr, kein Hunger und Durst, nichts Unliebsames, keine Elendigkeit oder Ermüdung, noch irgendetwas Widriges.

sarve kāmāḥ sthitās tasyāṃ ye divyā ye ca mānuṣāḥ rasavac ca prabhūtaṃ ca bhakṣyabhojyam ariṃdama

Alle Wünsche, die göttlichen wie die menschlichen, sind in ihr vorhanden, und schmackhafte, reichliche Speisen und Getränke, Feindebezwinger.

puṇyagandhāḥ srajas tatra nityapuṣpaphaladrumāḥ rasavanti ca toyāni śītāny uṣṇāni caiva ha

Wohlriechende Blumenkränze sind dort, immerblühende und fruchttragende Bäume, und schmackhafte Wasser, kalte wie auch heiße.

tasyāṃ rājarṣayaḥ puṇyās tathā brahmarṣayo 'malāḥ yamaṃ vaivasvataṃ tāta prahṛṣṭāḥ paryupāsate

In ihr warten die heiligen Königsseher und die makellosen Brahmanenseher, mein Lieber, freudig erfreut dem Yama Vaivasvata auf.

yayātir nahuṣaḥ pūrur māndhātā somako nṛgaḥ trasadasyuś ca turayaḥ kṛtavīryaḥ śrutaśravāḥ

Yayāti, Nahuṣa, Pūru, Māndhātṛ, Somaka, Nṛga, Trasadasyu, Turaya, Kṛtavīrya, Śrutaśravas,

aripraṇut susiṃhaś ca kṛtavegaḥ kṛtir nimiḥ pratardanaḥ śibir matsyaḥ pṛthvakṣo 'tha bṛhadrathaḥ

Aripraṇut, Susiṃha, Kṛtavega, Kṛti, Nimi, Pratardana, Śibi, Matsya, Pṛthvakṣa und Bṛhadratha,

aiḍo maruttaḥ kuśikaḥ sāṃkāśyaḥ sāṃkṛtir bhavaḥ caturaśvaḥ sadaśvormiḥ kārtavīryaś ca pārthivaḥ

Aiḍa, Marutta, Kuśika, Sāṃkāśya, Sāṃkṛti, Bhava, Caturaśva, Sadaśvorman und der Fürst Kārtavīrya,

bharatas tathā surathaḥ sunītho naiṣadho nalaḥ divodāso 'tha sumanā ambarīṣo bhagīrathaḥ

Bharata, ebenso Suratha, Sunītha, der Naiṣadha Nala, Divodāsa, Sumanas, Ambarīṣa, Bhagīratha,

vyaśvaḥ sadaśvo vadhryaśvaḥ pañcahastaḥ pṛthuśravāḥ ruṣadgur vṛṣasenaś ca kṣupaś ca sumahābalaḥ

Vyaśva, Sadaśva, Vadhryaśva, Pañcahasta, Pṛthuśravas, Ruṣadgu, Vṛṣasena und der überaus starke Kṣupa,

ruṣadaśvo vasumanāḥ purukutso dhvajī rathī ārṣṭiṣeṇo dilīpaś ca mahātmā cāpy uśīnaraḥ

Ruṣadaśva, Vasumanas, Purukutsa, Dhvajin, Rathin, Ārṣṭiṣeṇa, Dilīpa und der großherzige Uśīnara,

auśīnaraḥ puṇḍarīkaḥ śaryātiḥ śarabhaḥ śuciḥ aṅgo 'riṣṭaś ca venaś ca duḥṣantaḥ saṃjayo jayaḥ

der Auśīnara Puṇḍarīka, Śaryāti, Śarabha, Śuci, Aṅga, Ariṣṭa, Vena, Duḥṣanta, Saṃjaya und Jaya,

bhāṅgāsvariḥ sunīthaś ca niṣadho 'tha tviṣīrathaḥ karaṃdhamo bāhlikaś ca sudyumno balavān madhuḥ

Bhāṅgāsvari, Sunītha, Niṣadha, Tviṣīratha, Karaṃdhama, Bāhlika, Sudyumna und der starke Madhu,

kapotaromā tṛṇakaḥ sahadevārjunau tathā rāmo dāśarathiś caiva lakṣmaṇo 'tha pratardanaḥ

Kapotaromā, Tṛṇaka, ebenso Sahadeva und Arjuna, Rāma Dāśarathi und Lakṣmaṇa, sowie Pratardana,

[Anm.: Die hier genannten „Sahadeva“ und „Arjuna“ sind alte, gleichnamige Könige, nicht die Pāṇḍava-Brüder; „Rāma Dāśarathi“ bezeichnet Rāma aus dem Rāmāyaṇa, zur Unterscheidung vom Jāmadagnya Rāma (Paraśurāma) in Vers 17.]

alarkaḥ kakṣasenaś ca gayo gaurāśva eva ca jāmadagnyo 'tha rāmo 'tra nābhāgasagarau tathā

Alarka, Kakṣasena, Gaya, Gaurāśva, der Jāmadagnya Rāma, und Nābhāga und Sagara,

bhūridyumno mahāśvaś ca pṛthvaśvo janakas tathā vainyo rājā vāriṣeṇaḥ purujo janamejayaḥ

Bhūridyumna, Mahāśva, Pṛthvaśva, Janaka, König Vainya, Vāriṣeṇa, Puruja und Janamejaya,

brahmadattas trigartaś ca rājoparicaras tathā indradyumno bhīmajānur gayaḥ pṛṣṭho nayo 'naghaḥ

Brahmadatta, der Trigarta-König, König Uparicara, Indradyumna, Bhīmajānu, Gaya, Pṛṣṭha und der makellose Naya,

padmo 'tha mucukundaś ca bhūridyumnaḥ prasenajit ariṣṭanemiḥ pradyumnaḥ pṛthagaśvo 'jakas tathā

Padma, Mucukunda, Bhūridyumna, Prasenajit, Ariṣṭanemi, Pradyumna, Pṛthagaśva und Ajaka,

śataṃ matsyā nṛpatayaḥ śataṃ nīpāḥ śataṃ hayāḥ dhṛtarāṣṭrāś caikaśatam aśītir janamejayāḥ

hundert Matsya-Könige, hundert Nīpas, hundert Hayas, hunderteins Dhṛtarāṣṭras und achtzig Janamejayas,

śataṃ ca brahmadattānām īriṇāṃ vairiṇāṃ śatam śaṃtanuś caiva rājarṣiḥ pāṇḍuś caiva pitā tava

und hundert Brahmadattas, hundert Īriṇas und Vairiṇas, und der Königsseher Śaṃtanu, und dein eigener Vater Pāṇḍu,

uśadgavaḥ śataratho devarājo jayadrathaḥ vṛṣādarbhiś ca rājarṣir dhāmnā saha samantriṇā

Uśadgu, Śataratha, König Devarāja, Jayadratha und der Königsseher Vṛṣādarbhi mit seinem Glanz und seinen Ratgebern,

athāpare sahasrāṇi ye gatāḥ śaśabindavaḥ iṣṭvāśvamedhair bahubhir mahadbhir bhūridakṣiṇaiḥ

und andere, Tausende, die Śaśabindus, die dorthin gelangten, nachdem sie mit vielen großen Roßopfern mit reichlichen Priestergaben geopfert hatten.

ete rājarṣayaḥ puṇyāḥ kīrtimanto bahuśrutāḥ tasyāṃ sabhāyāṃ rājarṣe vaivasvatam upāsate

Diese heiligen, ruhmreichen und vielgelehrten Königsseher warten in jener Halle, Königsseher, dem Vaivasvata auf.

agastyo 'tha mataṅgaś ca kālo mṛtyus tathaiva ca yajvānaś caiva siddhāś ca ye ca yogaśarīriṇaḥ

Agastya und Mataṅga, ebenso Kāla und Mṛtyu, die Opfernden und die Siddhas, und jene, die durch Yoga verkörpert sind,

agniṣvāttāś ca pitaraḥ phenapāś coṣmapāś ca ye svadhāvanto barhiṣado mūrtimantas tathāpare

die Agniṣvātta-Ahnen, und die Schaum-Trinker und Dunst-Trinker, die Svadhā-Speisenden, die auf dem Opfergras Sitzenden, und andere, verkörpert,

kālacakraṃ ca sākṣāc ca bhagavān havyavāhanaḥ narā duṣkṛtakarmāṇo dakṣiṇāyanamṛtyavaḥ

das Rad der Zeit selbst, und der erhabene Feuerträger, und die Männer bösen Tuns, die während der Südwanderung der Sonne sterben,

kālasya nayane yuktā yamasya puruṣāś ca ye tasyāṃ śiṃśapapālāśās tathā kāśakuśādayaḥ upāsate dharmarājaṃ mūrtimanto nirāmayāḥ

und Yamas Diener, die mit der Führung der Zeit betraut sind - in ihr warten, verkörpert und frei von Leid, auch der Śiṃśapa-Baum und der Pālāśa-Baum sowie Kāśa- und Kuśa-Gras und dergleichen dem Rechtskönig auf.

ete cānye ca bahavaḥ pitṛrājasabhāsadaḥ aśakyāḥ parisaṃkhyātuṃ nāmabhiḥ karmabhis tathā

Diese und viele andere sind Sitzende in der Halle des Vaterkönigs, unmöglich aufzuzählen nach Namen und Taten.

asaṃbādhā hi sā pārtha ramyā kāmagamā sabhā dīrghakālaṃ tapas taptvā nirmitā viśvakarmaṇā

Denn geräumig ist jene Halle, Pārtha, entzückend, nach Belieben beweglich, von Viśvakarman erschaffen, nachdem er lange Zeit Askese geübt hatte.

prabhāsantī jvalantīva tejasā svena bhārata tām ugratapaso yānti suvratāḥ satyavādinaḥ

Leuchtend, wie von eigenem Glanz brennend, Bhārata - zu ihr gelangen die von furchtbarer Askese, die Gelübdetreuen, die Wahrheitsredenden,

śāntāḥ saṃnyāsinaḥ siddhāḥ pūtāḥ puṇyena karmaṇā sarve bhāsvaradehāś ca sarve ca virajombarāḥ

die Friedvollen, die Entsager, die Vollendeten, die durch heilige Taten Gereinigten - alle mit leuchtenden Körpern, alle in staubfreien Gewändern,

citrāṅgadāś citramālyāḥ sarve jvalitakuṇḍalāḥ sukṛtaiḥ karmabhiḥ puṇyaiḥ paribarhair vibhūṣitāḥ

mit bunten Armreifen, bunten Blumenkränzen, alle mit funkelnden Ohrringen, geschmückt mit dem Schmuck guter, heiliger Taten.

gandharvāś ca mahātmānaḥ śataśaś cāpsarogaṇāḥ vāditraṃ nṛttagītaṃ ca hāsyaṃ lāsyaṃ ca sarvaśaḥ

Und die großherzigen Gandharven und hunderte Scharen von Apsaras boten Musik, Tanz und Gesang, Scherz und Liebreiz in jeder Weise,

puṇyāś ca gandhāḥ śabdāś ca tasyāṃ pārtha samantataḥ divyāni mālyāni ca tām upatiṣṭhanti sarvaśaḥ

und wohlriechende Düfte und Klänge sind in ihr, Pārtha, von allen Seiten, und göttliche Blumenkränze stehen ihr in jeder Weise bei.

śataṃ śatasahasrāṇi dharmiṇāṃ taṃ prajeśvaram upāsate mahātmānaṃ rūpayuktā manasvinaḥ

Hundert Hunderttausende der Rechtschaffenen, von schöner Gestalt und hohem Sinn, warten jenem großherzigen Herrn der Geschöpfe auf.

īdṛśī sā sabhā rājan pitṛrājño mahātmanaḥ varuṇasyāpi vakṣyāmi sabhāṃ puṣkaramālinīm

Solcherart ist jene Halle, o König, des großherzigen Vaterkönigs. Auch Varuṇas mit Lotos bekränzte Halle will ich nun beschreiben.